Франция терма жамоаси ва "ПСЖ"нинг собиқ ярим ҳимоячиси Жером Ротен яна бир бор аргентиналик ҳужумчи Лионель Месси ҳақида танқидий фикр билдирди.
"Месси "ПСЖ"га фақат пул туфайли ўтди. Биз унинг нима учун "Барселона"ни тарк этганини тушунамиз. Каталонияликлар молиявий муаммолар туфайли унга аввалгидек маош тўлай олмадилар. Унинг қанча голли узатмаси борлигига мен аҳамият бермайман. Агар муҳим ўйинларда буни қилмаса, улардан нима фойда. Чемпионлар лигасида биз буюк Мессининг ўйинини кўрмаганмиз. У "Бавария"га қарши ўйинда ҳеч нарса кўрсатмади", - деди Ротен RMC Sport билан суҳбатда.
Месси жорий мавсумда барча турнирларда 36 ўйинда майдонга тушиб, 20 гол ва 19 голга ассистентлик қилган.
