"Манчестер Сити" бош мураббийи Хосеп Гвардиола "Реал" билан бўладиган Чемпионлар лигаси ярим финал ўйинларига бор эътиборни қаратишга шошилмаяпти.

“Менда аниқ бир фикр бор, лекин ҳаммаси кўп нарсага боғлиқ бўлади. Умуман, бор этиборимни кейинги ўйинга қаратганман. Бизда танлов қилишга вақтимиз йўқ. Премьер-лигадаги навбатдаги ғалаба Чемпионлар лигасида ғалаба қозониш билан деярли бир хил. Аввал эътиборимни “Фулхэм”, кейин “Вест Хэм”, кейин “Лидс”га қаратаман, шундан кейингина навбат “Реал”га келади”, деди Гвардиола матбуот анжуманида.

Эслатиб ўтамиз, "Реал" ва "Манчестер Сити" ўзаро илк учрашуви 9 май куни "Сантьяго Бернабеу"да бўлиб ўтади. Жавоб ўйини бир ҳафтадан сўнг "Этиҳад"да бўлиб ўтади.