Бразилия терма жамоаси бош мураббийи Мано Менезес  анчадан буён «Реал Мадрид» заҳира ўриндиғида қолиб кетаётган  Какани 11 ва 16 октябрда Ироқ ва Япония билан бўладиган ўртоқлик ўйинларига чақирди. Бундай бўлишига сабаб Кака ўзининг сўнгги ўйинда хет-трик муаллифи бўлганлигини,  бу унга янги умидлар бераётганлигини билан изоҳлади.
«Мен Менезес билан гаплашганимга кўп бўлгани йўқ. У билан бошқа баъзи-бир масалалар юзасидан гаплашгандик. Шуни тан олишим керакки, Менезес менга телефон қилганида ҳайратда қолдим. Телевидение орқали мураббийнинг таркибни эълон қилганини кўрдим. Исмимни ўша ерда борлигидан жуда хурсанд бўлдим. Гўёки, терма жамоага биринчи марта чақирилаётгандекман».

Кака Бразилия терма жамоасидаги сўнгги ўйинини 2010 йил 2 июлда ЖЧ-2010 нинг чорак финалида Голландияга қарши ўтказганди.

«Мен икки йиллик танаффусдан сўнг яна терма жамоага қайтишим жуда яхши. Энди ўйинимни кучайтириб жамоадаги ўз ўрнимни қайтариб олишим керак. Мен 30 ёшда яна бошидан бошлаяпман. Деярли ҳамма совринни ютиб бўлганман, лекин энди яна ютишга менда имконият бор».

Эслатиб ўтамиз, Кака биринчи марта Неймар билан майдонга тушади. Футболчи «Сантос» ҳужумчиси ҳақида ҳам ўз фикрларини билдирди.

«Мен Неймарни шахсан билмайман. Бу бизнинг бирга майдонга тушадиган биринчи учрашувимиз бўлади. Мен Европада у ҳақида кўп нарса эшитяпман, лекин, билмадим у қандай қилилб Бразилияда дунёнинг энг кучли футболчиси бўлмоқчи экан. Уни Испанияга келиши борасида турли хил миш-мишлар юрибди. Нима бўлган тақдирда ҳам, Неймар билан биринчи марта ўйнаш ажойиб», дейди Кака.