Сехио Бускетснинг "Барселона" билан шартномасини янгилаши Лео Мессининг келажагига боғлиқ.

Mundo Deportivo хабарига кўра, Каталония клуби ярим ҳимоячига жуда кам маошли шартномани узайтириш таклифи билан чиққан. Бироқ, Серхио учун молиявий компонентдан муҳимроқ бўлган бир нечта жиҳатлар мавжуд.

Хусусан, Мессининг қайтиши, агар бу амалга ошса, Бускетс учун катта аҳамиятга эга бўлади. Ярим ҳимоячига яқин манбаларга кўра, Серхио "Барса" Леони қайтаришга ҳаракат қилаётганини билади ва бу унинг келажак ҳақидаги фикрларига таъсир қилмоқда. Бускетс ҳамон Месси билан бир жамоада ўйнашни хоҳлайди.

Қолаверса, Бускетснинг келажаги "Барселона"нинг молиявий фейр-плейга амал қилиши билан боғлиқ вазиятга боғлиқ.

Ҳозирда Серхио Месси атрофидаги вазият қандай ҳал қилинишини кутмоқда. Бускетс Леонинг келажаги яқин орада ойдинлашиши даргумон эканлигини тушунади. Айтишларича, "Барса" ярим ҳимоячининг келажакдаги режалари қандай эканлигини билмоқчи, чунки трансфер режалари қисман унинг қолиш ёки қолмасликларига боғлиқ.

Diario Sport хабарига кўра, Бускетс клубда яна бир йил қолишга рози бўлишга яқин. Мессининг эҳтимолий қайтиши, шунингдек, Хавининг тўлиқ ишончи Серхиони қолишга ишонтирмоқда.

"Барселона" испаниялик футболчининг келажаги борасида май ойи бошида қарор қабул қилишини истамоқда.

Хабар қилинишича, Месси ва Жорди Альба билан кечки овқатдан кейин Бускетс "Барса"да қолишга қарор қилган.