Sexio Busketsning "Barselona" bilan shartnomasini yangilashi Leo Messining kelajagiga bog‘liq.

Mundo Deportivo xabariga ko‘ra, Kataloniya klubi yarim himoyachiga juda kam maoshli shartnomani uzaytirish taklifi bilan chiqqan. Biroq, Serxio uchun moliyaviy komponentdan muhimroq bo‘lgan bir nechta jihatlar mavjud.

Xususan, Messining qaytishi, agar bu amalga oshsa, Buskets uchun katta ahamiyatga ega bo‘ladi. Yarim himoyachiga yaqin manbalarga ko‘ra, Serxio "Barsa" Leoni qaytarishga harakat qilayotganini biladi va bu uning kelajak haqidagi fikrlariga ta’sir qilmoqda. Buskets hamon Messi bilan bir jamoada o‘ynashni xohlaydi.

Qolaversa, Busketsning kelajagi "Barselona"ning moliyaviy feyr-pleyga amal qilishi bilan bog‘liq vaziyatga bog‘liq.

Hozirda Serxio Messi atrofidagi vaziyat qanday hal qilinishini kutmoqda. Buskets Leoning kelajagi yaqin orada oydinlashishi dargumon ekanligini tushunadi. Aytishlaricha, "Barsa" yarim himoyachining kelajakdagi rejalari qanday ekanligini bilmoqchi, chunki transfer rejalari qisman uning qolish yoki qolmasliklariga bog‘liq.

Diario Sport xabariga ko‘ra, Buskets klubda yana bir yil qolishga rozi bo‘lishga yaqin. Messining ehtimoliy qaytishi, shuningdek, Xavining to‘liq ishonchi Serxioni qolishga ishontirmoqda.

"Barselona" ispaniyalik futbolchining kelajagi borasida may oyi boshida qaror qabul qilishini istamoqda.

Xabar qilinishicha, Messi va Jordi Alba bilan kechki ovqatdan keyin Buskets "Barsa"da qolishga qaror qilgan.