Пеп Гвардиоланинг айтишича, Эрлинг Холанд 92 йил аввалги рекордни такрорлаган.
«Манчестер Сити» форварди жорий мавсумда барча турнирларда 50 та гол урди. Англия чемпионатлари тарихида буни охирги марта Том Уоринг амалга оширган (1930/31 йилги мавсумда 50 та гол).
«Эрлинг такрорлаган рекорд ўрнатилганида Уинстон Черчилл ҳали бош вазир бўлмаган эди. Бу анча узоқ вақт олдин содир бўлган.
Унинг пенальтини амалга оширгани мени ҳайратда қолдирди», деди «Манчестер Сити» бош мураббийи.
Аввалроқ, Холанд Чемпионлар лигаси 1/4 финалининг «Бавария»га қарши жавоб ўйинида (1:1) 11 метрлик зарбани голга айлантира олмаганди.
