"Челси" бош мураббийи Фрэнк Лэмпарднинг фикрича, ҳозир Лондоннинг "Арсенал" жамоасига қарши тўқнаш келиш учун энг яхши вақт эмас. Эслатиб ўтамиз, "канонирлар" Англия Премьер-лигасида кетма-кет 4та ўйинда ғалаба қозона олмади. Сўнгги турда Микель Артета шогирдлари “Манчестер Сити”га 1:4 ҳисобида мағлуб бўлди.
"Ҳозир "Арсенал" билан ўйнаш учун энг яхши вақтми? Мен бундай деб ўйламайман. Чемпионлик пойгасида ҳали кўп ўйинлар бор. Улар ҳозирда аламзада ва бунга ўз муносабатини билдириш учун имконият излашлари аниқ. Биз уларни қийнашга ҳаракат қиламиз”, деди Лэмпард матбуот анжуманида.
Эслатиб ўтамиз, "Арсенал" турнир жадвалида "Манчестер Сити"дан бир очко ортда қолмоқда. Хосеп Гвардиола шогирдларида шунингдек 2 та захира ўйини бор.
