“Ливерпуль” бош мураббийи Юрген Клопп ҳакам билан юз берган воқеа учун жазоланиши мумкин. “Тоттенхэм”га қарши ўйинда (4:3) жамоасининг ғалаба голидан сўнг немис мутахассиси тўртинчи ҳакам олдига югуриб келиб, юзига нимадир деб бақирди.
“Бундай вазият юзага келмаслиги керак эди. Ўша пайтда жуда кўп ҳис-туйғулар, жуда кўп ғазаб бор эди - шунинг учун мен голни ўзим хоҳлагандек нишонладим. Бир вазиятда ўз ўнгимда Салоҳга нисбатан қўполлик содир бўлган эди, лекин... Ғалаба голидан сўнг хурсанд бўлдим, шу билан бирга жаҳлим ҳам чиқди", - деди Клопп журналистларга.
"Ливерпуль" 3 май чоршанба куни АПЛ доирасидаги навбатдаги ўйинини ўтказади. Юрген Клопп шогирдлари "Фулхэм"га қарши баҳс олиб боради.
