“Лестер” сафида Англия Премьер-лигасида тўп сураётган бельгиялик ярим ҳимоячи Юри Тилеманс Италиянинг гранд клубига ўтиш имконига эга. Бу ҳақда Todofichajes саҳифаларида хабар берилган.
Манбага кўра, "Рома" 25 ёшли футболчи билан шартнома имзоламоқчи. Тилеманс Рим клубига текинга ўтиши мумкин, чунки унинг "тулкилар" билан шартномаси 2022/2023 йилги мавсум охирида тугайди.
Аввалроқ ОАВда бельгиялик футболчига Лондоннинг "Арсенал" ва "Барселона" клублари қизиқиш билдираётгани ҳақида хабарлар тарқалганди.
Тилеманс жорий мавсум чемпионатда 27 та ўйинда майдонга тушиб, 3 та гол урди ва битта голли узатмани амалга оширди.
