“Lester” safida Angliya Premyer-ligasida to‘p surayotgan belgiyalik yarim himoyachi Yuri Tilemans Italiyaning grand klubiga o‘tish imkoniga ega. Bu haqda Todofichajes sahifalarida xabar berilgan.

Manbaga ko‘ra, "Roma" 25 yoshli futbolchi bilan shartnoma imzolamoqchi. Tilemans Rim klubiga tekinga o‘tishi mumkin, chunki uning "tulkilar" bilan shartnomasi 2022/2023 yilgi mavsum oxirida tugaydi.

Avvalroq OAVda belgiyalik futbolchiga Londonning "Arsenal" va "Barselona" klublari qiziqish bildirayotgani haqida xabarlar tarqalgandi.

Tilemans joriy mavsum chempionatda 27 ta o‘yinda maydonga tushib, 3 ta gol urdi va bitta golli uzatmani amalga oshirdi.