"Реал" бош мураббийи Карло Анчелотти Испания чемпионатининг 33-тури доирасидаги "Реал Сосьедад"дан учралган мағлубият (0:2) ҳақида фикр билдирди.
“Биринчи бўлимда кураш олиб бордик, лекин афсуски гол ўтказиб юбордик, кейин эса қизил карточка бўлди. Бу мураккаб ўйин эди. Ҳозир биз учун жуда муҳим дақиқалар келди. Биз уларга тайёр бўлишимиз керак. Агар сўнгги пайтларда йўл қўйган хатоларимизни четлаб ўтсак, кейинги икки ўйинда ғалаба қиламиз", - дея Анчелотти сўзларини келтиради Football Espana.
Мадриднинг “Реал” клуби 68 очко билан пешқадам “Барселона”дан 14 очко ортда қолган ҳолда 2-ўринда бормоқда. "Реал Сосьедад" 61 очко билан 4-ўринда бормоқда.
