"Манчестер Сити" бош мураббийи Хосеп Гвардиола "ПСЖ" ҳужумчиси Лионель Месси ва "Манчестер Сити" ҳужумчиси Эрлинг Холанд ўртасидаги ўхшашлик ҳақида гапирди.
"Ҳеч ким Месси билан таққосланмайди. Аммо урилган голлар бўйича Эрлинг аллақачон ўз даражасига чиқа олган. Шу билан бирга, Лионель майдонни кўриш, дриблинг, пас бериш қобилияти ва бошқа жиҳатлар бўйича энг мукаммал футболчи. Умид қиламанки, келажакда Холанд бу борада унга яқинлаша олади", - деди Гвардиола ESPN билан суҳбатда.
Жорий мавсумда Холанд Премьер-лигада 30 та ўйинда майдонга тушиб, 34 та гол урди ва 7 та голли узатмани амалга оширди. Месси Лига 1да 28 та ўйинда 15 та гол ва 15 та голли узатмани амалга оширган.
