Каталониянинг "Барселона" клуби ярим ҳимоячиси Серхио Бускетс "кўк-анорранглилар" сафидаги келажаги ҳақидаги саволга жавоб берди.
"Келажагимга келсак, бу амалда аниқ. Ҳозир биз дам олишга чиқдик. Қайтиб келгач, қарор қабул қиламан. Мен бош мураббий билан гаплашаман ва ҳаммасини эълон қиламиз", - деди футболчи Marca билан суҳбатда.
Томонлар ўртасидаги амалдаги шартнома муддати жорий йилнинг июнь ойи охиригача мўлжалланган.
Испания чемпионатининг жорий мавсумида Бускетс 27 та ўйин ўтказиб, 4 та голли узатмани амалга оширган. У бешта сариқ карточка олди ва бир марта майдондан четлатилди.
