"Барселона" спорт директори Матеу Алемани Каталония клуби ҳужумчи Усмон Дембеле билан шартномани янгилашини истамагани маълум бўлди. Якунда франциялик футболчи янги келишувга эришди, аммо Алемани бунга қарши эди. Бу ҳақда журналист Ферран Корреас ижтимоий тармоқларда хабар берди.
Манбанинг таъкидлашича, Алемани Дембелега ишончи комил эмас эди, чунки франциялик футболчи доимий равишда тартиб-интизом ва жароҳатлар билан боғлиқ муаммоларга дуч келган. Қолаверса, Усмон жуда кўп маош олаётгани, клуб олдига маошни камайтириш вазифаси қўйилган эди.
Аввалроқ, Алемани жорий мавсум якунида "Барселона"ни тарк этиши ва "Астон Вилла" билан шартнома имзолаши маълум бўлганди.
