Лионель Месси ёзда дунёнинг энг кўп маош олувчи футболчисига айланиши мумкин.
The Telegraph нашрининг ёзишича, Саудия Арабистони расмийлари футбол тарихидаги энг йирик таклифни тайёрламоқда.
Аввалига улар 35 ёшли аргентиналик футболчи билан келишув параметрлари борасида келишиб олиш ниятида, шундан кейингина ҳужумчи қайси клубга ўтиши аниқ бўлади.
Музокараларда Саудия Арабистони лигаси раҳбариятида худди шундай лавозимни эгаллаган "Манчестер Сити"нинг собиқ ижрочи директори Гарри Кук иштирок этиши кутилмоқда.
Эндиликда мамлакат вакиллари футболчининг отаси Хорхе Месси билан мулоқот қилишмоқда. Гап йилига тахминан 400 миллион долларга тенг миқдор ҳақида бормоқда.
Олдинроқ "Барселона" ёзда Мессини ортга қайтармоқчи экани ҳақида хабарлар тарқалган эди.
