"Реал"нинг собиқ ярим ҳимоячиси Гути "ПСЖ" ҳужумчиси Лионель Мессини "Барселона"га қайтмасликка чақирди.
Эслатиб ўтамиз, аввалроқ аргентиналик футболчи кейинги мавсумда Парижда қолмаслиги ва эркин агент сифатида кетиши маълум бўлганди.
"Агар Мессининг ўрнида бўлганимда "Барселона"га қайтмаган бўлардим. У бу клубда қўлидан келган барча нарсага эришган. Айни пайтда бу чақирув жуда катта кўринади. "Барселона" ҳозирда Чемпионлар лигасида ғалаба қозонишга қодир эмас, ҳатто Месси ҳам уларга ёрдам бера олмайди", - деди Гути El Chiringuito TV телеканалида.
Эслатиб ўтамиз, "Барселона" Мессини қайтармоқчи, бироқ молиявий қоидалар бузилгани учун келишув Ла Лига раҳбарияти томонидан тасдиқланмаслиги мумкин.
