Саудия Арабистони ҳукумати маҳаллий футбол чемпионатига жиддий сармоя киритишни режалаштирмоқда. Бу ҳақда Footmercato нашри хабар бермоқда.
Манбага кўра, араб мамлакати раҳбарияти кучли тўртта клубнинг ҳар бири ўз супер юлдузига эга бўлишини истамоқда. “Ан-Наср”да аллақачон португалиялик ҳужумчи Криштиану Роналду бор. "Ал-Ҳилол", "Ал-Иттиҳод" ва "Ал-Аҳли" клублари кучайишга муҳтож.
"Ал-Ҳилол" клуби "ПСЖ" ҳужумчиси Лионель Мессига қизиқиш билдирмоқда. Клуб Мессига “Барселона”дан анча яхши шартнома таклиф қилмоқчи.
"Ал Аҳли" "Реал" ярим ҳимоячиси Лука Модрични сотиб олишни мақсад қилган, аммо у "қироллик клуби" билан шартномасини 2024 йилгача узайтирмоқчи.
"Реал" ҳужумчиси Карим Бензема "Ал-Иттиҳод"га ўтиши мумкин. Франциялик футболчи Саудия жамоаси раҳбарияти билан шартнома шартларини муҳокама қилиб бўлган, бироқ ўтиш таклифини рад этган.
