Франциялик собиқ футболчи, жаҳон чемпиони Эммануэль Пети Лондоннинг “Арсенал” клуби футболчиси Фабио Виейрага қарши ўз фикрларини билдирди.
“Менимча, Фабио Виейра ҳозирча “Арсенал”да ўйнаш учун керакли даражада эканлигини кўрсата олмади. Уни сотиб олишганда, мен ўйладим: "Бу йигит Премьер-лига учун жуда енгил кўринади". Менимча, у жисмоний ва руҳий жиҳатдан АПЛга тайёр эмас.
У тўпни жуда яхши ҳис қилади ва Англиядаги каби тез эмас, техникаси кўпроқ, жисмоний тайёргарликка камроқ талаблар мавжуд бўлган Испания каби лига учун мукаммал бўлиши мумкин. Фабио ҳозирча Премьер-лигада муҳим роль ўйнай олишини кўрсата олмади", - деди Пети.
