«Барселона» вингери Ансу Фати яқинлашиб келаётган трансфер ойнасида жамоани тарк этиши мумкин, дея хабар беради Relevo.

Фатининг агенти Хорхе Мендес анчадан бери мижози учун янги клуб топишни режалаштирганди. Манбага кўра, бундай вариант Англияда топилган.

«Вулверхэмптон» Рубен Невешни 30 миллион евро эвазига Фатига алмаштиришга тайёр. Португалиялик футболчига Каталония клуби ҳам қизиқмоқда.

20 ёшли испаниялик жорий мавсумда барча турнирларда 46 та ўйин ўтказиб, 7 та гол урди ва 3 та голли узатмани амалга оширди. 26 ёшли Невеш АПЛнинг 31 ўйинида 6 та гол урган.