Миланнинг "Интер" клуби "Брюгге" ярим ҳимоячиси Тейжон Бьюкененни сотиб олишга яқин турибди.

Журналист Николо Скиранинг ёзишича, канадалик футболчи аллақачон “нерадзуррилар” билан шахсий шартнома шартларини келишиб олган.

Қайд этилишича, яқин кунларда "Интер" "Брюгге" билан боғланиб, товон пули бўйича келишиб олади. Бьюкененнинг Бельгия жамоаси билан шартномаси 2025 йилнинг ёзига қадар тузилган. Трансфер суммаси 15 миллион евро атрофида баҳоланмоқда.

Бьюкенен Қатардаги жаҳон чемпионатида Канада терма жамоаси таркибида гуруҳ босқичида голли узатмани амалга оширди.