"Наполи" ҳужумчиси Виктор Осимхен Италия чемпионатидаги кечаги ғалабадан сўнг келажаги ҳақидаги миш-мишларга изоҳ беришдан бош тортди.
Эслатиб ўтамиз, Лучано Спалетти шогирдлари "Удинезе" билан дуранг ўйнаган ва бунинг эвазига 1990 йилдан бери илк бор чемпионликни қўлга киритишган.
"Ҳозир келажагимни муҳокама қиладиган вақт эмас, менга скудеттодан завқланишга рухсат беринг. Неаполга қайтиб, мухлисларни қучоқлаш учун сабрим етмайди. Мен улар учун жуда хурсандман", - деди Осимхен.
Энди Осимхен 22 гол билан А Сериянинг энг яхши тўпурари бўлиб турибди. Нигериялик ҳужумчи кеча “Удинезе” дарвозасини ишғол қилди ва жамоасига бир очко келтирди.
