"Манчестер Юнайтед" ҳужумчиси Амад Диалло кейинги мавсумда ҳам клубда қолиши мумкин, аммо бунинг учун футболчи мавсумолди йиғинда бош мураббий Эрик тен Хагни ҳайратда қолдириши керак. Журналист Люк Эдвардснинг хабар беришича, нидерландиялик мутахассис ёзда ивуарлик футболчини диққат билан кузатиб боради.

Эслатиб ўтамиз, Диалло жорий мавсумни "Сандерленд"да ижарада ўтказмоқда, у ҳали ҳам плэй-офф зонасини якунлаш имкониятини сақлаб турибди ва Англия Премьер-лигасига чиқиш учун курашмоқда. 20 ёшли ивуарлик футболчи бу мавсумда Англия иккинчи дивизионида 12 та гол ва 3 та голли узатмани амалга оширди. Футболчи чемпионатда 36 та ўйин ўтказган.