"Реал Мадрид" ўз тарихидаги 100-совринни қўлга киритди.

Карло Анчелотти шогирдлари финалда "Осасуна"ни 2:1 ҳисобида мағлуб этиб, Қирол кубогини қўлга киритди. Эндиликда унинг ушбу мусобақада 20 та ғалабаси бор.

Шунингдек, Мадридликлар 35 марта Испания чемпионати, 12 марта Испания Суперкубоги, 1 марта Эва Дуарте кубоги, 1 марта Испания Лига кубоги, 14 марта Чемпионлар лигаси, 2 марта УЕФА кубоги, 5 марта Европа Суперкубоги, 2 марта Лотин кубоги, 3 марта Қитъалараро кубок, 5 марта клублар ўртасидаги жаҳон чемпионатида ғолиб чиққан.

Бу мавсумда "Реал Мадрид" Чемпионлар лигаси ва Испания чемпионлигини қўлга киритиш имкониятини ҳам сақлаб қолди.