Миланнинг “Интер” клуби дарвозабони Андре Онана фаолиятини Англия Премьер-лигасида давом эттириш имкониятига эга. Дарвозабонга Лондоннинг “Челси” клуби қизиқиш билдирмоқда, дея хабар бермоқда Transfer News.
Манбага кўра, томонлар аллақачон музокараларга киришган. 40 миллион фунт стерлинг миқдоридаги товон пули муҳокама қилинмоқда. Тўғридан-тўғри музокаралар жараёнида "кўклар" эгаси Тодд Боэлининг шахсан ўзи иштирок этади.
Онана ўтган ёзда узоқ муддатли шартнома асосида "нерадзуррилар"га ўтганди. Италия чемпионатининг жорий мавсумида дарвозабон 21 та ўйин ўтказиб, 19 та гол ўтказиб юборган.
