Европа чемпионлар лигаси ярим финалининг жорий мавсумида «Реал Мадрид» ва «Манчестер Сити» жамоалари ўзаро тўқнаш келишмоқда.

— Жамоалар ЧЛ доирасида биринчи бор 2012 йилда тўқнаш келишган. Қисқа муддатда 8 бор ўзаро ўйнашган. Ҳозирча тенглик 3-2-3.

— Ярим финал босқичида аввал икки марта учрашишган. Биринчи гал 2016 йилда голлар кам урилган, Реал умумий 1:0 ҳисобида устун келган. Иккинчи бор ўтган йили ушбу босқичда учрашиб, голлар шоусини намойиш этишди. Умумий ҳисоб 6:5 Мадрид фойдасига.

— "Сити" бир марта Еврокубок ютган. 1970 йилда Кубок эгалари кубоги турнири ғолиби бўлган. Шундан кейин 2021 йилда ЧЛ финалига чиқиб, "Челси"га ютқазди. Шу ўринда Гвардиола манчестерликларни 4 бор Англия чемпиони қилганини айтиб ўтиш керак. "Реал" 14 карра ЧЛ ғолиби ва амалдаги чемпион.

— Холанд еврокубокларда "Мадрид"га қарши ҳозирча ўйнамаган. Аввал 3 марта испан клублари билан учрашган. Ҳар сафар "Севилья" билан. Қизиғи, шу ўйинларнинг ҳар бирида дубль қайд этган.

— Анчелотти ва Гвардиола ЧЛда икки марта тўқнаш келишган. Қизиғи, иккала сафар ҳам 1/2 босқичида (2014, 2021). Иккисида ҳам Анчелотти ўз жамоасини финалга олиб чиққан. 2014 йилда Гвардиола "Бавария" бошқарувида эди.

— "Реал"да бу ўйинда йўқотишлар кўпроқ. Милитаода дисквалификация. Менди формадамас. Модрич тўлиқ тикланмаган ва тушиши сўроқ остида. "Сити"да фақат Аке йўқ.

Анчелотти ўйин олдидан:
“Биз аввалги босқичда яхши ўйин кўрсатдик. Ҳимоя ишончли ҳаракат қилди. Натижамиз яхши. Менинг кўнглим тўқ”.

Гвардиола ўйин олдидан:
“Биз бу ерга юқори кайфият билан келдик. Жамоам зўр формада. Бу ревенш эмас, бу чемпион бўлиш имконияти. Биз бу йил ниҳоят турнирни ютиш ниятидамиз”.