Yevropa chempionlar ligasi yarim finalining joriy mavsumida «Real Madrid» va «Manchester Siti» jamoalari o‘zaro to‘qnash kelishmoqda.

— Jamoalar CHL doirasida birinchi bor 2012 yilda to‘qnash kelishgan. Qisqa muddatda 8 bor o‘zaro o‘ynashgan. Hozircha tenglik 3-2-3.

— Yarim final bosqichida avval ikki marta uchrashishgan. Birinchi gal 2016 yilda gollar kam urilgan, Real umumiy 1:0 hisobida ustun kelgan. Ikkinchi bor o‘tgan yili ushbu bosqichda uchrashib, gollar shousini namoyish etishdi. Umumiy hisob 6:5 Madrid foydasiga.

— "Siti" bir marta Yevrokubok yutgan. 1970 yilda Kubok egalari kubogi turniri g‘olibi bo‘lgan. Shundan keyin 2021 yilda CHL finaliga chiqib, "Chelsi"ga yutqazdi. Shu o‘rinda Gvardiola manchesterliklarni 4 bor Angliya chempioni qilganini aytib o‘tish kerak. "Real" 14 karra CHL g‘olibi va amaldagi chempion.

— Xoland yevrokuboklarda "Madrid"ga qarshi hozircha o‘ynamagan. Avval 3 marta ispan klublari bilan uchrashgan. Har safar "Sevilya" bilan. Qizig‘i, shu o‘yinlarning har birida dubl qayd etgan.

— Anchelotti va Gvardiola CHLda ikki marta to‘qnash kelishgan. Qizig‘i, ikkala safar ham 1/2 bosqichida (2014, 2021). Ikkisida ham Anchelotti o‘z jamoasini finalga olib chiqqan. 2014 yilda Gvardiola "Bavariya" boshqaruvida edi.

— "Real"da bu o‘yinda yo‘qotishlar ko‘proq. Militaoda diskvalifikasiya. Mendi formadamas. Modrich to‘liq tiklanmagan va tushishi so‘roq ostida. "Siti"da faqat Ake yo‘q.

Anchelotti o‘yin oldidan:
“Biz avvalgi bosqichda yaxshi o‘yin ko‘rsatdik. Himoya ishonchli harakat qildi. Natijamiz yaxshi. Mening ko‘nglim to‘q”.

Gvardiola o‘yin oldidan:
“Biz bu yerga yuqori kayfiyat bilan keldik. Jamoam zo‘r formada. Bu revensh emas, bu chempion bo‘lish imkoniyati. Biz bu yil nihoyat turnirni yutish niyatidamiz”.