«Рома» бош мураббийи Жозе Моуриньо агар «ПСЖ» мураббийи бўлса, жамоани кучайтириш учун парижликлар раҳбариятига сотиб олиниши керак бўлган ўз номзодларини эълон қилди.
Журналист Санти Аунанинг сўзларига кўра, агар португалиялик мураббий Париж клуби бош постига тайинланса, биринчи навбатда «Фиорентина» ярим ҳимоячиси Софьян Амрабатнинг трансферини ўз зиммасига олишни истайди.
«ПСЖ»да келишувни якунлаш учун ҳамма нарса бор, аммо ҳозирча муаммо Амрабатнинг «Барселона»га ўтишга қарор қилганида. Шу билан бирга, Каталония клубида бу трансфер учун ҳали маблағ йўқ.
«ПСЖ» ҳали Кристоф Галтьенинг ўрнига асосий номзодни танлашга қарор қилгани йўқ. Моуриньо - етакчи вариантлардан бири.
