Daily Mail хабарига кўра, "Фулхэм" бош мураббийи Марко Силва "Вест Хэм"ни бошқариши мумкин.
45 ёшли мутахассиснинг "Фулхэм" билан шартномасида товон пули 6 млн этиб белгиланган. "Вест Хэм" мавсум охирида Дэвид Мойесни истеъфога чиқарса, португалияликга мурожаат қилиши мумкин.
Аввалроқ, агар жамоа Конференция лигасида ғолиб чиқса, Мойес ўз лавозимини сақлаб қолиши мумкинлиги хабар қилинганди. Турнирнинг ярим финалида лондонликлар Нидерландиянинг “АЗ” жамоаси билан куч синашади. Биринчи ўйин 11 май куни Англияда бўлиб ўтади. "Фиорентина" ва "Базель" ярим финалнинг яна бир жуфтлигида тўқнаш келишади.
