Мадриднинг “Реал” клуби 2024 йилнинг ёзида Тони Кроос ва Лука Модрич фаолиятини якунлаши мумкин бўлганидан сўнг янги ярим ҳимоячи сотиб олишни режалаштирмоқда.

Мадридликлар ёш ярим ҳимоячиларга етакчилик қилиш учун тажрибали шерик керак бўлади, деб ҳисоблайди. Манбанинг хабарига кўра, клуб "Бавария" билан шартномаси 2025 йилда тугайдиган Жошуа Киммих вариантини кўриб чиқмоқда.

28 ёшли футболчининг трансфери бу ёзда амалга ошиши деярли мумкин эмас, аммо Жошуа келажакда жамоасини ўзгартиришга тайёр.

Киммих "Бавария"да 2015 йилдан буён ўйнаб келмоқда, унинг ҳисобида 344 та ўйин бор.