Хавьер Тебас Чемпионлар лигаси доирасидаги "Реал" - "Манчестер Сити" учрашуви ҳақидаги таассуротлари билан ўртоқлашди.
"Сантьяго Бернабеу"да бўлиб ўтган Чемпионлар лигасининг биринчи ярим финал учрашувида "Реал" ва "Манчестер Сити" ўзаро дуранг ўйнади (1:1).
“Супер ўйин, жуда қизиқарли ва биз кутган нарса.
Ўйлайманки, мадридликлар кўпроқ нарсага лойиқ эди, аммо бу мусобақаларда фақат битта ўйинда яхшироқ ўйнаш керак эмас.
Мадридликлар Чемпионлар лигасининг сафар ўйинларида ҳалокатли эканлигини кўрсатди. Манчестердаги ўйинга тайёргарлик кўрамиз”, - деди Ла Лига президенти.
"Реал Мадрид" ва "Манчестер Сити" жамоалари ўртасидаги жавоб учрашуви 17 май куни бўлиб ўтади.
