Собиқ француз футболчиси Валерьен Исмаэль «Уотфорд» мураббийига айланди.
У 2019 йил сентябридан бери бу лавозимдаги 11-мутахассисга айланди. Бу тайинлов ҳақида инглиз клуби матбуот хизмати хабар бермоқда.
Эслатиб ўтамиз, клуб жорий мавсумни омадсиз якунлади - яқин вақтгача инглиз футболи элитасида ўйнаган жамоа Чемпионшипда атиги 11-ўринни эгаллади.
Жамоа 63 очко жамғарган ва олтинчи ўриндан 6 очко ортда қолмоқда.
Исмаэлнинг сўнгги иш жойи Истанбулнинг «Бешиктош» жамоаси эди. Аввалроқ Англияда мутахассис «Барнсли» ва «Вест Бромвич» клубларида ишлаган.
