"Ан-Наср" ҳужумчиси Криштиану Роналду ва Жоржина Родригес ўртасидаги ажралиш ҳақидаги миш-мишлар ҳақиқатга тўғри келмайди. Бу ҳақда юлдуз футболчининг онаси Мария Долорес Авейро айтиб ўтди.

"Ҳаммаси ёлғон. Барча жуфтликлар жанжаллашишади, лекин ажралиш ҳақидаги миш-мишлар ҳақиқатга тўғри келмайди", - деди футболчининг онаси Diario de Noticias нашрига.

Эслатиб ўтамиз, Криштиану ва Жоржина расман турмуш қурмаган. Шу билан бирга, эр-хотиннинг умумий фарзандлари бор.

2023 йилнинг январидан бери Роналду Саудия Арабистонида "Ан-Наср" клубида ўйнамоқда. Унинг маоши йилига 200 миллион еврони ташкил қилади. Томонлар ўртасидаги шартнома 2,5 йилга мўлжалланган.