"Барселона" вице-президенти Эдуард Ромеу "ПСЖ" ҳужумчиси Лионель Мессининг эҳтимолий трансфери ҳақидаги саволга жавоб берди.
"Мессининг трансфери бизнинг режаларимизга киритилмаган. Эҳтиёт бўлиш керак. Лионелдек футболчи доим "қўшади". Агар "Барселона" кучли ҳолатда бўлганида, Ла Лигада ҳаммаси яхши бўлади", - деди клуб вице-президенти Barca Universal билан суҳбатда.
Аввалроқ, 35 ёшли ҳужумчига Саудия Арабистонидан фойдали таклиф борлиги ҳақида хабар берилганди.
Месси "Барселона" тарбияланувчиси. "Кўк-анорранглилар"нинг асосий жамоасида Месси 2005 йилдан 2021 йилгача ўйнаган.
