Мадриднинг "Реал" клубида ўйнаётган бразилиялик ҳужумчи Винисиус Жуниор келажакда “Олтин тўп” соҳибига айланиши мумкин. Бу фикрни Ла Лига президенти Хавьер Тебас айтиб ўтди.
"Винисиус ҳозир дунёнинг энг яхши футболчиларидан бири. Унинг "Олтин тўп"га номзодлар рўйхатида йўқлиги мени ҳайратда қолдирди. Жуниор дунёнинг энг яхши 3-4 футболчилари орасида. Ўйлайманки, у келажакда бу совринни қўлга киритади", - деди Хавьер Marca нашрига.
22 ёшли бразилиялик футболчи жорий мавсум Испания чемпионатида 30 та ўйинда майдонга тушди. Винисиус ўнта гол ва тўққизта голли узатмани амалга оширди.
