Украина терма жамоаси ва “Милан”нинг собиқ ҳужумчиси Андрей Шевченко УЕФА Чемпионлар лигаси ярим финалида “россонерилар” ва “Интер” ўртасидаги қарама-қаршилик ҳақида ўз фикрлари билан ўртоқлашди. "Нерадзуррилар" биринчи ўйинда 2:0 ҳисобида ғалаба қозонишди.
"Милан" психология борасида "Интер"дан кучсизроқ бўлиб чиқди. Биринчи бўлимда улар ўйинга кира олишмади. Танаффусдан сўнг жамоанинг кайфияти ўзгариб кетди ва "россонерилар" нимадир кўрсата олишди. Якуний натижа "нерадзуррилар" фойдасига, аммо "Милан"да ғалаба қозониш учун имконият бор", - деди Шевченко Il Milanista билан суҳбатда.
Жавоб учрашуви 16 май, сешанба куни Миланда бўлиб ўтади. Бу жуфтлик ғолиби Чемпионлар лигаси финалига йўлланма олади.
