Машҳур теннисчи Евгений Кафельников РПЛнинг 26-турида "Зенит" "Спартак"ни мағлуб этган (3:2) ўйинидан сўнг, қайтиб Россия футболини томоша қилишни хоҳламаслигини айтди.
Эслатиб ўтамиз, аввалроқ Кафельников ижтимоий тармоқларда "Зенит"га қарши кескин гапирган эди. Эътиборлиси, "қизил-оқлар" устидан қозонилган ғалаба петербургликларга муддатидан аввал Россия чемпионатида ғалаба қозониш имконини берди.
"Мени Россия футболи қизиқтирмайди. Нега? Чунки бу қизиқ эмас, унда умуман ҳеч нарса йўқ - бизнинг футбол мени ҳеч қандай тарзда қизиқтира олмайди. Айни дамда мени рус футболи билан боғлиқ ҳамма нарса қизиқтирмайди", - деди Кафельников РБ Спорт билан суҳбатда.
РПЛнинг 26-туридан сўнг турнир жадвалида иккинчи ўйиндаги ЦСКАдан 13 очкога олдинда бораётган "Зенит" ишончли тарзда пешқадамлик қилмоқда. Кейинги ўринларда "Ростов" ва "Спартак" жамоалари бормоқда. Мавсум якунига қадар жамоаларнинг тўртта ўйини бор.
