"Реал Мадрид" ярим ҳимоячиси Федерико Вальверде Чемпионлар лигасидаги ўйиндаги ҳис-туйғулари билан ўртоқлашди.

Эслатиб ўтамиз, ўтган мавсумда уругвайлик футболчи "қироллик клуби" билан ушбу турнирда ғалаба қозониб, "Ливерпул"га қарши финалда голли узатмани амалга оширган эди.

"Чемпионлар лигаси - бу "Реал Мадрид" турнири ва унда ўйнаш ўзгача туйғу. У ҳар доим ўзининг муҳити билан бошқа мусобақалардан ажралиб туради. Бу ерда ўзингизни ноёб туш кўргандек ҳис қиласиз. Агар биз 15-чемпионликни қўлга киритсак, бу мен учун алоҳида лаҳза бўлади, чунки мен бу рақам остида ўйнайман", - деди Вальверде Madrid Zone билан суҳбатда.

Вальверде жорий мавсумда 30 та ўйинда майдонга тушиб, 7 та гол ва 3 та голли узатмани амалга оширди.