"Real Madrid" yarim himoyachisi Federiko Valverde Chempionlar ligasidagi o‘yindagi his-tuyg‘ulari bilan o‘rtoqlashdi.

Eslatib o‘tamiz, o‘tgan mavsumda urugvaylik futbolchi "qirollik klubi" bilan ushbu turnirda g‘alaba qozonib, "Liverpul"ga qarshi finalda golli uzatmani amalga oshirgan edi.

"Chempionlar ligasi - bu "Real Madrid" turniri va unda o‘ynash o‘zgacha tuyg‘u. U har doim o‘zining muhiti bilan boshqa musobaqalardan ajralib turadi. Bu yerda o‘zingizni noyob tush ko‘rgandek his qilasiz. Agar biz 15-chempionlikni qo‘lga kiritsak, bu men uchun alohida lahza bo‘ladi, chunki men bu raqam ostida o‘ynayman", - dedi Valverde Madrid Zone bilan suhbatda.

Valverde joriy mavsumda 30 ta o‘yinda maydonga tushib, 7 ta gol va 3 ta golli uzatmani amalga oshirdi.