«Барселона» президенти Жоан Лапорта бош мураббий Хави Эрнандеснинг истакларини эътиборсиз қолдириб, «Вулверхэмптон» билан ярим ҳимоячи Рубен Невешни трансфер қилиш борасида музокаралар олиб бормоқда.
Журналист Самуэль Марсденнинг ёзишича, Хави футболчини жамоага таклиф қилишни истамайди, бироқ Лапорта музокараларда жиддий муваффақиятга эришган.
«Барселона» бош мураббийи Хави Невешни мавсум охирида эркин агент сифатида кетадиган Серхио Бускетснинг ўрнига муносиб номзод деб ҳисобламайди. Хави унинг ўрнига «Реал Сосьедад» ярим ҳимоячиси Мартин Субимендини афзал кўради.
