Миланнинг “Интер” клубида ижара асосида ўйнаётган бельгиялик ҳужумчи Ромелу Лукаку жорий мавсум якунида Лондоннинг “Челси” клубига қайтади. Бу ҳақда Mirror журналистлари хабар бермоқда.
Журналистларга маълум бўлишича, марказий ҳужумчи "аристократлар"нинг мавсумолди йиғинида иштирок этади. Ромелу июнь ойида жамоани бошқариши керак бўлган аргентиналик мутахассис Маурисио Почеттино олдида ўзини кўрсатиш ниятида.
29 ёшли ҳужумчи жорий мавсум Италияда 21 та ўйинда майдонга тушиб, 6 та гол (2 таси пеналтидан) ва 5 та голли узатмага муаллифлик қилган.
