"Ливерпуль" "Барселона" вингери Усмон Дембелега қизиқиш билдирмоқда.
Хабарларга кўра, инглиз клуби ёзги трансфер ойнасида футболчини сотиб олиш вариантини кўриб чиқмоқда. Мерсисайдликлар футболчининг шартномасидаги товон пули 50 миллион евро эканлигидан фойдаланишлари мумкин. Каталонияликлар ўз навбатида франциялик футболчи билан янги шартнома имзолашга умид қилмоқда.
Эслатиб ўтамиз, ҳужумчига “Бавария”, “Манчестер Юнайтед” ва “ПСЖ” клублари ҳам қизиқиш билдирмоқда.
25 ёшли Дембеле жорий мавсумда “Барселона” сафида барча турнирларда 30 та ўйинда майдонга тушиб, 8 та гол урди ва 7 та голли узатмани амалга оширди. Унинг клуб билан шартномаси 2024 йилнинг ёзига қадар мўлжалланган.
