А Серия клуби «Салернитана» бош мураббий Пауло Соузанинг ишидан қониқиш ҳосил қилмоқда.
Calcionews24 хабарига кўра, клуб раҳбарлари португалиялик мураббий билан шартномани узайтиришга тайёр.
Эслатиб ўтамиз, Соуза амалда клубни Б Серияга тушиб кетишдан қутқариб қолди. Айни дамда «денгизчилар» қуйи лигага тушиб қолишдан деярли қўрқмаяпти - клуб 15-ўринни эгаллаб турибди ва Италия чемпионати якунланишига уч тур қолганида 38 очко жамғарган.
Қуйи зонадан фарқ саккиз очкони ташкил этади. Лиганинг жорий, 35-турида эса Соуза шогирдлари Бергамонинг «Аталанта» жамоасини минимал ҳисобда мағлуб этишди – 1:0.
Соуза 15 февраль куни «Салернитана»ни қабул қилиб, жорий мавсум охиригача қисқа муддатли шартнома имзолади.
