"Челси" футболчилари Маурисио Почеттинонинг бош мураббий этиб тайинланиши эҳтимолидан мамнун, деб ёзади журналист Бен Жейкобс ўзининг твиттерида.
Манбага кўра, аргентиналик лойиҳадан илҳомланган ва ҳозирги даврни Лондон клуби билан ҳамкорликни бошлаш учун энг қулай вақт деб ҳисобламоқда. "Челси" вакиллари Почеттино билан сентябрь ойида, Томас Тухель ишдан бўшатилгандан сўнг боғланишган, бироқ мураббий рад жавобини берган эди.
Хабар қилинишича, 51 ёшли мутахассис июль ойида ишни иложи борича самарали бажариш учун вақтинчалик бош мураббий Фрэнк Лэмпард ва "Челси" раҳбарияти билан ишламоқда.
Қайд этилишича, лондонликларнинг асосий футболчилари Почеттинонинг эҳтимолий тайинланишидан мамнун.
Аввалроқ, "Челси" аргентиналик мутахассис билан шартнома борасида келишиб олгани ҳақида хабар берилганди. Бу ҳақда клуб тез орада расман эълон қилади. Шартнома уч йилга мўлжалланган.
