"Ювентус" ярим ҳимоячиси Леандро Паредес жамоасининг "Кремонезе" устидан қозонилган ғалабасидан (2:0) сўнг журналистлар билан суҳбатлашди.

Аргентиналик футболчи Европа лигаси ярим финалининг “Севилья”га қарши биринчи ўйинида (1:1) захира ўриндиғида қолди, бироқ якшанба кунги А Серия учрашувида қатнашиб, барча 90 дақиқани майдонда ўтказди.

“Биз ажойиб ўйин ўтказдик. Менимча, жамоа "Севилья"га қарши жавоб ўйинига энг яхши ҳолатда яқинлашмоқда. Ягона салбий нуқта - Погбанинг жароҳати, у биз учун жуда муҳим футболчи эди.

Албатта, мен кўпроқ ўйнашни хоҳлардим, лекин мавсум бошида жисмоний муаммоларим бор эди, бу таъсир қилмай қўймасди. Ҳозир мен вазиятдан қониқиш ҳосил қиляпман, жамоа яхши ишлаяпти”, деди Паредес DAZN нашрига берган интервьюсида.