"Yuventus" yarim himoyachisi Leandro Paredes jamoasining "Kremoneze" ustidan qozonilgan g‘alabasidan (2:0) so‘ng jurnalistlar bilan suhbatlashdi.

Argentinalik futbolchi Yevropa ligasi yarim finalining “Sevilya”ga qarshi birinchi o‘yinida (1:1) zaxira o‘rindig‘ida qoldi, biroq yakshanba kungi A Seriya uchrashuvida qatnashib, barcha 90 daqiqani maydonda o‘tkazdi.

“Biz ajoyib o‘yin o‘tkazdik. Menimcha, jamoa "Sevilya"ga qarshi javob o‘yiniga eng yaxshi holatda yaqinlashmoqda. Yagona salbiy nuqta - Pogbaning jarohati, u biz uchun juda muhim futbolchi edi.

Albatta, men ko‘proq o‘ynashni xohlardim, lekin mavsum boshida jismoniy muammolarim bor edi, bu ta’sir qilmay qo‘ymasdi. Hozir men vaziyatdan qoniqish hosil qilyapman, jamoa yaxshi ishlayapti”, dedi Paredes DAZN nashriga bergan intervyusida.