"Интер" бош мураббийи Симоне Индзаги Чемпионлар лигасининг жавоб ярим финалида "Милан"га қарши бўлиб ўтадиган дерби ҳақидаги фикрлари билан ўртоқлашди. Биринчи ўйин “нерадзуррилар”нинг 2:0 ҳисобидаги ғалабаси билан якунланди.
“Финал орзусига эришиш учун ақлимиз ва юрагимиз билан ўйнашимиз керак. Эртага "Интер" тарихидаги энг муҳим ўйинлардан бири бўлади. Биринчи ўйинда 2:0 ҳисоби қайд этилганига қарамай, "Милан" ҳар доим ажойиб ўйинчиларга эга кучли рақиб. Лукаку? Мен ҳали асосий таркиб борасида бир қарорга келганим йўқ”, - деди Индзаги матбуот анжуманида.
"Интер" сўнгги бор 2010 йилда Чемпионлар лигаси финалида "Бавария" устидан ғалаба қозонган.
