Украина терма жамоаси ва «Милан»нинг собиқ ҳужумчиси Андрей Шевченко футболчилик фаолиятидаги энг яхши дамларни айтди.

«Мен Чемпионлар лигаси финалида Туринда «Ювентус»га қарши ўйиндаги пенальтини тез-тез эслайман.

Шу лаҳзаларда ақл бовар қилмас ҳис-туйғулар мени қамраб олган. Бу менинг фаолиятимдаги энг яхши лаҳзадир», - деб ёзди Шевченко.

Шевченко фаолияти давомида Киевнинг «Динамо», «Милан» ва Лондоннинг «Челси» клубларида ўйнаган. Украина терма жамоаси таркибида ҳужумчи 111 та ўйин ўтказиб, 48 та гол урган.

2004 йилда Шевченко «Олтин тўп»ни қўлга киритди.