«Бавария» ҳимоячиси Жоау Канселу кейинги мавсумда Томас Тухел жамоасида қолишига ишонмаяпти.
Журналист Флориан Плеттенбергнинг ёзишича, португалиялик «қизил машина» уни «Манчестер Сити»дан 70 миллион еврога сотиб олади деб ўйламайди.
Манбанинг таъкидлашича, айни дамда энг эҳтимолий тахмин Канселунинг мавсум охирида «Манчестер Сити»га қайтишидир.
Эслатиб ўтамиз, январь ойида португалиялик ўйин амалиётига эга бўлмагани учун «шаҳарликлар»ни ижара асосида тарк этганди.
Канселу Бундеслиганинг 13 та учрашувида 1 та гол урди ва 4 та голли узатмага муаллифлик қилган. Май ойи охирида португалиялик 29 ёшга тўлади.
