"Арсенал"нинг украиналик ҳимоячиси Александр Зинченко жамоанинг эрталабки машғулотларини ўтказиб юборди, деб хабар бермоқда Football Daily нашри.
Шунингдек, Габриэль Мартинелли ва Уильям Салиба умумий гуруҳ билан машғулот ўтказмаган.
Эслатиб ўтамиз, ўтган пайшанба куни Зинченко оёғидан олган жароҳати туфайли мавсум охиригача сафдан чиққани ҳақида маълумот пайдо бўлганди, бироқ бош мураббий Микель Артета буни тасдиқламади.
Александр "Брайтон" билан ўйин олдидан жамоа машғулотларида қатнашди, аммо ўйин қайдномасига киритилмади.
20 май, шанба куни “канонирлар” “Ноттингем Форест”га қарши баҳс олиб боради.
