"Arsenal"ning ukrainalik himoyachisi Aleksandr Zinchenko jamoaning ertalabki mashg‘ulotlarini o‘tkazib yubordi, deb xabar bermoqda Football Daily nashri.

Shuningdek, Gabriel Martinelli va Uilyam Saliba umumiy guruh bilan mashg‘ulot o‘tkazmagan.

Eslatib o‘tamiz, o‘tgan payshanba kuni Zinchenko oyog‘idan olgan jarohati tufayli mavsum oxirigacha safdan chiqqani haqida ma’lumot paydo bo‘lgandi, biroq bosh murabbiy Mikel Arteta buni tasdiqlamadi.

Aleksandr "Brayton" bilan o‘yin oldidan jamoa mashg‘ulotlarida qatnashdi, ammo o‘yin qaydnomasiga kiritilmadi.

20 may, shanba kuni “kanonirlar” “Nottingem Forest”ga qarshi bahs olib boradi.